An gaila Obend mit Landtechnik Haegele!

Schee, dass er zu os gfonda hen auf oser Wäbseit.

Guckat eich mol a bissle rom.

Verleicht gfälltse eich ja a bissle.

Was machat mir ieberhaupt?

Mir älle en der Band wolltat mol ebbes ganz anders macha.

Do jeder von de Musikker scho ewig lang spielt, hemmer gsait:

Komm mir machat jetzt mol was ganz anders.

Mir machat a drei Stonda Programm mit am Haufa Schwoobakauntry,Schwoobarock,Schwooba ..ah eufäch älles aber au andere Denger was akomma tuat.

Z.B. Schtatus Kwo, Eisidisi, Kwiin ond no anders Graffel.

Oser Schorsch Hägele hot dodazua eufach älles en schwäbisch omtexschta miassa.

Doch damit no et gnuag: Do kommat no luschtige Denger dazua, do brunschter end Hoos.Schwäbischer Comedy-Humor, wenn`s den Ausdruck geit.

Jeder Song hot an Bezug auf irgend eu Thema, des oos Schwooba am Herza liegt.

Wenner a bsonders Lieadle henn, womer auf Schwäbisch macha sot, no mehleter des oos.

Do guck mer no scho, das mer was draus bäschtlat.

Au fir Ideea, Hilfe und Onderstitzong sen mir brudal dankbar.

Mir legat bsondra Wert dodrauf, dass mir älle Schwobe senn.

Auf die saubleeda Idee hot oos der Hank Häberle jr.(verst.2007) brocht.

Dodafir an herzlicha Dank nauf en Hemmel zom Hank.

Deine Kombel

von der

Landtechnik-Haegele Band  (Wer isch bloos auf den Nama komma.)

So, jetzt senn Ihr mol dra.

Mir dädad ond missat ja au mol wieder schbiela.

Des hoisst: Wenn Ihr eun kennat, der eun kennt, mo a Feschdle macha will, oder an Verei oder so äbbes, no kennater oos ruig afrooga oder amehla.

Manche von eich, henn au scho aglitta.

Vielleicht hod a Verei a Hall ond weus edd was damid macha, schwätzat midd oos.

Oder a Schdadfescht oder so äbbes wo ma schwäbisch verschtooht.

Machad a Feschdle midd oos, no henner au mol ebbes zom lacha ond net emmer blos leere Kassa.

Mid oos kaamer schwätza, wie middam Gaul.Mir machad faschd älles.

So, no bis sosch wieder

Eire Haegeles

PE ES: Am Doschdeg semmer beim esweer SWR zom Enderwiu eiglada gwäa.Denne hemmer scho  a Mark (an Eiro) end Tasch neigschwätzt  bezieglich schwäbischer Kwalitäät.

Der Sendetermin, wann ond wo kennater no dohanna nochlesa.

Mir sagats eich doch...Wirsch au a bissle wadda kenna.

Zurra gscheida Schwäbischa Musik, ghehrt au a gscheids schwäbisch Veschber. Do gucksch mol nom: www.mampfi24.de